Hvað verður um upplýsingarnar sem þú sendir okkur.

Þegar þú sendir beiðni um tilboð eða skilaboð fáum við það sem þú skrifar í formið: nafn, netfang og, ef þú gefur það upp, símanúmer, nafn fyrirtækis, póstnúmer, staðsetningu, núverandi vefsíðu og lýsingu á verkinu.

Myndir og skjöl sem þú hengir við beiðni geymum við með henni. Hafðu í huga að myndir geta sýnt heimili þitt eða búnað; sendu ekki meira en þarf.

Við biðjum ekki um kennitölu á vefnum.

Eingöngu til að svara beiðninni, meta verkið og gera þér tilboð - það er, ráðstafanir sem þú biður um áður en samningur er gerður. Við notum upplýsingarnar ekki í markaðsskyni og seljum þær ekki.

Beiðnin er vistuð í gagnagrunni vefsins og send í viðskiptamannakerfi okkar (SuiteCRM), þar sem við vinnum úr henni. Starfsfólk fær tilkynningu í tölvupósti um nýja beiðni.

Við deilum upplýsingunum ekki með öðrum nema þjónustuaðilum sem reka þessi kerfi fyrir okkur, eða ef lög krefjast þess.

Afrit vefsins af beiðni og viðhengjum hennar er eytt sjálfkrafa 6 mánuðum eftir að hún berst.

Í viðskiptamannakerfinu geymum við beiðnina á meðan hún er í vinnslu og eins lengi og viðskiptin gefa tilefni til, og ekki lengur en lög um bókhald og skatta krefjast ef verk er unnið.

Við mælum notkun vefsins með PostHog (gagnaver í ESB) án vafrakaka: ekkert er vistað í vafranum þínum. Við sjáum hvaða síður eru skoðaðar og hvort form eru send, en ekki hvað skrifað er í þau.

Þegar beiðni er send skráum við tilvísunarnúmer hennar í mælingunum, til að sjá hvaðan beiðnir koma. Þá er hægt að tengja þá heimsókn við beiðnina og þar með við þig.

Til að verjast misnotkun á formunum er IP-tala sendanda geymd í minni vefþjónsins í allt að sólarhring.

Þú getur beðið um að fá að sjá upplýsingarnar sem við höfum um þig, fá þær leiðréttar eða þeim eytt, eða andmælt vinnslu þeirra. Sendu okkur línu á [email protected].

Ef þú telur að við förum ekki rétt með upplýsingar um þig getur þú kvartað til Persónuverndar (personuvernd.is).